Policajka Arizbeth Dionicio Ambrosio (33) pronašla je majku i četvoromjesečnu bebu tokom misije spašavanja nakon uragana koji je pogodio Meksiko.
Arizbeth je čula plač bebe iz daljine. Taj plač se ponavljao pa je krenula u potragu za djetetom. Pronašla je majku i bebu staru svega četiri mjeseca, koja dva dana nije ništa jela.
Ambrosio, koja je i sama majka dvoje djece, skinula je zaštitnu opremu i počela dojiti bebu. Beba je odmah prestala da plače.
“To je dobar osjećaj. To je dijete, a ako postoji jedna stvar koja nas boli kao majke, to je vidjeti dijete u ovim okolnostima”, rekla je Ambrosio, prenosi Index.
Meksičke spasilačke službe objavile su fotografije policajke s bebom.
kodex.me
